Eraso berria, indefentsioa agerian ostera ere

By | 2003/10/18

Berriro ere euskalgintzako jendeak atxilotuak, berriro ere kultur parkeak gizon armatuz beteta, gure duintasuna zafratua, hizkuntza kriminalizatua. Euskaldunon eta euskararen indefentsioa agerian geratu da, berriro ere, zortzi hilabeteren ostean orduan bezain ahulak garela gogoratzera etorri dira txapelokerrak, orduan bezain indartsu sentitzen direla Espainian inor erasoen bidegabekeriaz ohartzen ez delako.

Parkearen udagoien kolorea berde olibaz tindatua, bota hotsak erredakzioen pasiloetan. Berriro ere torturaren itzala, hainbat herritarrengatik kezka, otsailetik hona bildu ditugun indarrak eta gure herrian zabaldu den kontzientzia eurentzat garrantzitsua ez dela esatera etorri dira euren epaile eta poliziak, boterea euren esku dagoela. Egin ditzakegu manifestazioak protesta egiteko, herriari hitza emateko planak egin ditzakegu, baina boterea eurek daukatela eta euskaldunok babes efektiborik ez dugula esatera etorri dira berriro. Eta nahi dutelarik etorriko direla berriro.

Utzi erantzuna

Zure e-posta helbidea ez da argitaratuko.