“Ukan”, “ekin”, eta euskaldun sinpatikoen kanpainia erritualak-(e)ko iruzkinak

By: iturri

iturri — Sun, 03 Dec 2006 10:27:23 +0000

Euskararen Eguna den honetan, REko “Más que palabras” irratsaioa Kursaal-etik egin dute. Bertan, gala bat antolatu baitu Jaurlaritzak.

Jende ezberdina elkarrizketatu du Vizcaínok, tartean Jorge Giménez Bech, Editore Elkarteko lehendakaria. Giménezek esan du Ukan-en talde kreatiboan Anjel Lertxundi eta Antton Olariaga egon direla.

Harri eta zur geratu naiz.

By: Birusa - Superbai

Birusa - Superbai — Fri, 01 Dec 2006 07:52:49 +0000

[…] Birusa Graziosoa iruditu zait Osakidetzak egin duen Gripearen kontrako txertoaren publizitate kanpaina. Badute iragarkiek, retro-kataklismo itxura polit bat. Orson Wells-en “Munduen gerra”k kaleetan sortutako kaosaren parodiaren estilora baina, inbasio barik, gaixotasun kutsakor larri batek eraginda-edo… Kartelak ikusita, ez dakizu, datorkizuna gripea den ala Ed Wood-en espazio-ontziren batean Venustik etorritako birus, edo bakteria, edo ez dakit zer, baina oso-oso arriskutsua izan behar duen zer edo zer… Onartu behar dut nahiko argi zegoela, eta, hala ere, kostatu zaidala ulertzea. Hemengoak irakurtzeak lagundu dit ikusten, benetan, zer zen zetorkiguna… tan-ta-ta-txan… Telebistan ikusi nuen Ukan birusarena eta, ez dakit erdaldunen osasunean zein ondorio izango duen, baina, euskaldunok, uste dut, guztiz akojonatuta gaudela panpina beldurgarri horrekin aurrez-aurrez topo egitearen ideia hutsarekin…Imajinatu egoeraren dramatismoa. Kaletik zoaz paseoan, normal, eta derrepente, panpina arraro hori agertzen da zure aurrean… begira dago eta besoak zabal-zabalik ditu zuri besarkada super-handi eta mega-alai bat emateko gertu, han, denon aurrean… Traumatikoa izan behar du, derrigorrez. Argi ibili, abenduan hasieran, berriro ibiliko da kalean birusa, eskerrak, kontrako txertoa badagoela. […]

By: Luistxo

Luistxo — Thu, 30 Nov 2006 09:31:08 +0000

Errematea, Ukan birusa Euskararen Berripaperaren diseinu berriarekin nahastua ikusi dudanean!

By: Jozulin

Jozulin — Fri, 24 Nov 2006 17:29:07 +0000

Eta Benito Lertxundiren abestia (sic) euskararen egunerako? Dios mío de mi vida! Sartzen zaizu halako tristura sakona, halako negargura bat…

By: Kepa Diegez

Kepa Diegez — Wed, 22 Nov 2006 13:48:32 +0000

Ni neu kopetaraino nauzue euskararen aldeko jai guztiekin. Azkenean, “apatiko” bihurtu naute. Horrelakoetan erabiltzen diren dirua, gogoa, kemena, kalipua eta abar, benetako erabileran eragingo balute, beste kuku batek joko liguke. Bitartean, folklorikoak izaten jarraituko dugu.

By: felipe

felipe — Tue, 21 Nov 2006 15:55:12 +0000

Neure ustez holako kanpainak ondo daude baldin eta gero euskara benetan exijitzen bazaie funtzionario izan nahi gura duten guztiei, Osakidetzan, Foru Aldundietan, udaletxetan eta abarretan.Baita ere, Euskal Herriko komunikabidetan euskara gutxieneko portzentaia ezarri beharko duelakoan nago % 25 gehiegi litzateke?
Dena den, neu ere panpina motza delakoan nago

By: patxi lurra

patxi lurra — Tue, 21 Nov 2006 11:59:45 +0000

Motibapena: “Nabarra” aldizkaria, “Kutsidazu…” pelikula, blog hauxe,…

Ezagupena: “Euskara Jendea” liburua, “Filoblogia” bloga,…

Erabilpena: Hamen egiten gabilzana.

By: indalezio

indalezio — Mon, 20 Nov 2006 21:00:24 +0000

Eusko Jaurlaritzak erabileraren mezua bereganatu nahi duela argia da,, errazagoa egiten baizaio horri lotzea erabiltzeko esparruak indartu eta instituzioetan erabilera bermatzea baino. Ez dugu haien zain egon behar, eta kaleak, euskara elkarteek, herri mugimenduak heldu behar dio erabilera aldarrikatzeari, bestela instituzioek “antzutu” egingo digute erabileraren aldarria Ukan hau bezalako kanpaina ridikulizanteekin. Izan ere, hauek egon, Barcina egon ala Le Pen egon gure mingaina eta lana ezingo dute kontrolatu hala nahi badugu. Kontua da ea nahi dugun. Nik zalantzak ditut hainbatetan Bilboko tabernetan “hizkuntz neurgailuaren antena” jartzen dudanean.

By: jaime lopez

jaime lopez — Mon, 20 Nov 2006 17:35:21 +0000

Ez Birusa, ez Korrika, ez Herri Urrats, ez orain arte asmatu diren euskararen aldeko ekimen guztiak, zoritxarrez gaur egun euskaraz hitz egiten ez duen heldua bera da erruduna euskarekiko maitasunik eta grinarik ez duelako. Argi eta garbi!!
66 urte ditut eta nire gazte denboran ez zen ikastolarik, nire familian ez zen euskaraz hitz egiten, nire inguru giroa zeharo erdalduna zen Euskalerrrian kokaturik izan arren. Nire lehenengo euskal gramatika ” Umandi ” izan zen. Atera kontuak!!
Baina betidanik euskararenganako grina eta maitasuna izan nuen eta pixkanaka, pixkanaka hasi nintzen zerbait ikasten. Gero, Ikastolen mugimenduak hasi zirenerako nire laguntza eta dirua eskeini nituen euskararen alde, baita bizi lekuz aldatu ere herri euskaldun batean bizitzeko. Zenbat barnetegi, zenbat ikastaro eta udako euskaltegi nire oporrei lapurtuta, eta pozik gainera, gehienetan nire poltsikotik ordainduta. Nire etxeko liburutegian gaztelianiaz edo frantsesez idatzitako liburuen arten 400 euskal liburu baino gehiago ikus daitezke, egunero irakurtzen dut edota idatzi ere euskaraz. Gaur egun lasai oso esan dezaket euskaldun peto, petoa naizela. Zuetariko batek pentsa dezake: To! agure astun horrek domina bat nahi dik! Ez horixe!! Nik zera azpimarratu nahi dut: interesik ez duten lagunek ez dute ezer ikasten urrezko azpilan aurkeztu ere!!!!!!
Eta kontuan hartu, etorkizun batean euskara galtzen bada ez da Francoren errua izango baizik eta vascoena. Besterik ez.

By: Benito

Benito — Mon, 20 Nov 2006 15:52:15 +0000

Jozulinentzat. 600.000 eurako guztira: http://www.gara.net/idatzia/20061111/art188495.php.
Ideia falta aipatu du Jabik, nik neuk horri zero pare bat kenduta ere lau dozena ideia dauzkat oraintxe.