Google maps/earth-ekin bidaiatzen

By | 2006/12/16

Auserd zerutik - Sattellite view of AwserdGabonetan ez naizenez inora joango, bada, benetako bidaien ordezko merkea izan daiteke Google Maps zerbitzuarekin mundua ikustea, edo Google Earth programarekin. Esaterako, Egipton amazigh jendea, hizkuntza eta kultura bizirik diren leku bakarra, Siwa oasia ikus dezakegu Googlen, Libanon bonbardatutako Tiro hiria, Mendebaldeko Saharan Dakhla hiria, Hego Afrikako Capetown, Indiako Taj Mahal Casablancako meskita erraldoia, Argentinan Iguazuko ur-jauziak edo Chicagoko Sears Dorrea. Gogoko lekuak Tagzaniarekin markatu ditzakegu gero, nahi izanez gero. Lekuak Google Maps-ekin aurkitzeko zerbitzuak sortu dira, han eta hemen. Baina nik badakit nora nahi nukeen joan: basamortuaren erdian, ezerezaren hareazko itsasoak inguratuta ageri den argazkiko puntu ttipi honetara. Ia ez da ezer ikusten, baina han dago nire beste familia, duela ia bi urte ikusterik izan ez dudana, Auserd kanpamenduan.

One thought on “Google maps/earth-ekin bidaiatzen

Utzi erantzuna

Zure e-posta helbidea ez da argitaratuko. Beharrezko eremuak * markatuta daude