Poliziak protagonista: Poliziak ere, suhiltzaileekin batera, egunotako protagonistak dira. Kazetarien galderak irribarrez erantzuten zituen hainbat lankide galdutako ofizialak. Poliziaren presentzia itogarriak «gizartea lasaitzeko» xedea zuela aitortu zuen, berak ez baizuen uste Al Qaedak urteurrenean erasoko zienik. Nik uste dut lasaitzeko baino, agintariek gizartean urduritasuna zabaltzeko helburua dutela. Hainbeste polizia bazter guztietan zabalduz eraso baten psikosia eragin nahi zuten, ondoren gerra justifikatzeko.